Deberes

Do seu compromiso co Sistema Público de Saúde de Galicia esperamos de vostede a súa ...

Cooperación co Sistema Público de Saúde de Galicia

• Cumprindo coas prescricións xerais de natureza sanitaria comúns a toda a poboación, así como as específicas determinadas polos servizos sanitarios.
• Cooperando coas autoridades sanitarias na protección da saúde e na prevención das enfermidades.
• Cumprindo as normas e os procedementos de uso e acceso aos dereitos que se lle outorguen a través desta lei.

Bo uso dos recursos

• Usando axeitadamente os recursos, os servizos e as prestacións ofrecidas polo sistema sanitario
• Comunicando ao sistema sanitario, coa maior brevidade posible, a non utilización por calquera causa dun servizo programado previamente.

Normas e respecto ao persoal

• Mantendo o debido respecto ao persoal que presta os seus servizos no ámbito do Sistema Público de Saúde de Galicia.
• Coidando as instalacións e colaborando no mantemento da habitabilidade das institucións sanitarias.
• Mantendo a debida observancia das normas establecidas en cada centro.

Durante o proceso asistencial

• Asinando os documentos de alta voluntaria cando non desexe a continuidade do tratamento que se lle dispensa. Non obstante, o feito de non aceptala, non determinará a alta inmediata cando existan outros tratamentos alternativos, de cura ou paliativos, e o paciente desexe recibilos. Neste último caso, tal situación deberá documentarse debidamente despois da información correspondente.
• Facilitando información veraz dos datos de filiación, identificación e do estado de saúde que sexan necesarios no seu proceso asistencial ou sexan solicitados por razóns de interese xeral debidamente motivadas.
• Aceptando a alta cando remate o seu proceso asistencial, cando se comprobe que a situación clínica do paciente non melloraría prolongando a súa estadía, ou cando a complexidade do proceso aconselle o seu traslado a un centro de referencia.