Tarxeta Sanitaria
Tarxeta Sanitaria é un sistema de información tanto da cidadanía como de recursos sanitarios. É o sistema de referencia para a Consellería de Sanidade e para o Sergas.
Solicitude
Modificación datos
Consultas
Utilice a súa clave identificativa para coñecer o estado do seu trámite
Información Xeral
Tarxeta Sanitaria é un sistema de información tanto da cidadanía como de recursos sanitarios. É o sistema de referencia para a Consellería de Sanidade e para o Sergas.
Teléfono de información á cidadanía
Para calquera dúbida pode chamar ao teléfono de atención á cidadanía 981569540, de luns a venres en horario de 8 a 22 horas
Que é a tarxeta sanitaria?
É o documento que o identifica e acredita no Sistema Público de Saúde de Galicia, é individual, todas as persoas: adultos e nenos teñen a súa tarxeta.
Onde usala?
A tarxeta debe levala cando acuda a calquera centro sanitario do Servizo Galego de Saúde e a farmacia para mercar os medicamentos, xunto coa receita do Servicio Galego de Saúde.
Quen a pode solicitar?
Calquera persoa empadroada en Galicia
Onde solicitala?
No centro de saúde máis próximo ao seu domicilio, ou a través de Internet na páxina www.sergas.es
Documentación necesaria
Titulares da Seguridade Social (traballadores e pensionistas): Documento identificativo, certificado/volante de empadroamento, cartilla da Seguridade Social. En caso de beneficiarios menores de idade deben presentar o libro de familia, e nos beneficiarios maiores de idade un documento identificativo e o certificad/volante de empadroamento.
Personas sen recursos económicos suficientes: Documento identificativo, certificado/volante de empadroamento ou tarxeta censual, declaración de imposto sobre a renda ou certificación negativa da Axencia Tributaria conforme non ten obriga de facela, certificado de convivencia.
Recomendacións para a súa conservación
Non se debe dobrar, raiar, poñela en contacto con imáns, nin colocala sobre aparatos conectados a corrente eléctrica.
A caducidade da tarxeta
A súa tarxeta caduca, nela figura a data de caducidade, uns meses antes de que lle caduque enviarémoslle a nova ao seu domicilio. Se cambiou de domicilio nos últimos anos comuníqueo a través de Internet na páxina www.sergas.es, no seu centro de saúde ou chamando ao teléfono de atención á cidadanía, 981569540.
Que facer se non lle chega a tarxeta
Se a súa tarxeta caducou e non recibiu unha nova, debe poñerse en contacto co seu centro de saúde ou co teléfono de atención á cidadanía 981569540, onde consultaremos o estado da súa tarxeta e lle informaremos.
Se a solicitou por primeira vez ou a solicitou por perda e pasados tres meses non a recibiu, pregunte no seu centro de saúde ou no teléfono de atención a cidadanía.